Ağstafanın həbsdə olan sabiq icra başçısı vəfat edib

Ağstafa Rayon İcra Hakimiyyətinin həbsdə olan sabiq başçısı sentyabrın 8-də vəfat edib. Nizaməddin Quliyevin Gəncədə yerləşən modul tipli xəstəxanada COVID-19-dan öldüyü bildirilir. Bu haqda Report məlumat yayıb.

Onun sabah Goranboy rayonunun Tapqaraqoyunlu kəndində dəfn olunacağı gözlənilir.

Nizameddin Quliyev 2009-2019-cu illərdə Goranboy Rayon İcra Hakimiyyətinin başçısı vəzifəsini icra edib. Daha sonra isə Ağstafa Rayonu İcra Hakimiyyətinin başçısı təyin edilib.

Sözügedən şəxs 2019-cu ilin dekabr ayında Dövlət Təhlükəsizliyi Xidməti tərəfindən həbs olunub. Məhkəmənin hökmunə əsasən o, 9 il müddətinə azadlıqdan məhrum edilib.

Şərhlər idarə olunur. Düzgün və səmimi yazın.

0 replies on “Ağstafanın həbsdə olan sabiq icra başçısı vəfat edib”

Tövsiyə xəbərlər