Buzovna qəsəbəsi, Abşeron küçəsi, döngə 21 ünvanında təmir işləri aparılır. Bu barədə 14 sentyabr tarixində Azərbaycan Avtomobil Yolları Dövlət Agentliyi məlumat verib.
Sözügedən küçənin təmir olunan hissəsinin uzunluğu 1 500 metr, eni isə ortalama 6 metr təşkil edir. Küçəboyu köhnə asfalt örtüyü frezlənib, zəruri olan yerlərdə yararsız qrunt qazılaraq çıxarılıb, əks-dolğu işləri icra olunub.
Qeyd olunub ki, 2022-ci ilin “İnvestisiya Proqramı”na uyğun olaraq Xəzər rayonunun Mərdəkan, Binə, Buzovna, Qala və Zirə qəsəbələri ərazisində ümumi uzunluğu 26,5 kilomert küçə və yolun təmiri aparılır.