Aşura günü 18-65 yaş arası, çəkisi minimum 50 kiloqram olan sağlam şəxslər qan verə bilərlər. Bu haqda avqustun 5-də Mərkəzi Qan Bankının müdiri Q.Ələkbərova Reporta məlumat verib.
Qanvermədən əvvəl donor ac olmamalı, ən azı 2 saat əvvəl dəmir və proteinlə zəngin qidalar qəbul etməlidir. Siqaret çəkən şəxslər ən azı 1 saat əvvəl siqaret çəkməməlidirlər.
Qan verməzdən öncə vətəndaş kifayət qədər su içməlidir və ağır fiziki işlərdən çəkinməlidir.
Qeyd edək ki, avqustun 8-də, məhərrəmlik ayının Aşura günündə qanvermə aksiyaları 6 məscid və ziyarətgahda, habelə 8 səhiyyə müəssisəsində həyata keçiriləcək.
Qanvermə ünvanlarının siyahısı burada.