“Qarabağ” UEFA Avropa Liqasının play-off mərhələsində ilk oyununu keçirib. Bu barədə 25 avqust tarixində İnsanoid “Qarabağ” FK-ya istinadən məlumat verir.
Azərbaycan təmsilçisi Sloveniyada “Olimpiya”nın qonağı olub.
32-ci dəqiqədə Kevin Medina, 44-cü dəqiqədə isə Leandro Andrade fərqləniblər.
“Qarabağ” 2:0 hesablı səfər qələbəsi qazanaraq, qrup mərhələsinə vəsiqə yolunda önəmli üstünlük əldə edib.
Bu komandalar arasında cavab oyunu avqustun 31-də Tofiq Bəhramov adına Respublika stadionunda keçiriləcək.