“Azərbaycan Hava Yolları” QSC (AZAL) martda Bakıdan Qazaxıstanın Almatı şəhərinə uçuşlar yerinə yetirməyə başlayacaq. Bu barədə 9 yanvar tarixində AZAL məlumat verib.
Aviareyslər həftənin çərşənbə axşamı və cümə günləri həyata keçiriləcək. Biletləri rəsmi saytdan və mobil tətbiqdən əldə etmək mümkündür.
Reyslərə yalnız COVID-19 pandemiyası səbəbindən tətbiq edilən qüvvədə olan məhdudiyyətlər şəraitində uçuşuna icazə verilən sərnişinlər qəbul ediləcək.
Hazırda AZAL-ın aşağı büdcəli törəməsi – “Buta Airways” şirkəti də həftədə üç dəfə Bakı-Almatı-Bakı marşrutu üzrə uçuşlar yerinə yetirir.
