AVRO-2024-ün seçmə mərhələsində keçiriləcək Azərbaycan – Belçika oyununa 4447 bilet satılıb. Bu barədə Report 7 sentyabr tarixində xəbər verib.
AFFA-nın mətbuat katibi Elnur Məmmədli bildirib ki, “Dalğa Arena”da baş tutacaq qarşılaşma üçün bilet satışı davam edir.
Qiymətlər ikinci kateqoriyaya 5, birinci kateqoriyaya 10, VIP-yə isə 50 manat təşkil edir. Arena ümumilikdə 6500 tamaşaçı tutumuna malikdir.
Sentyabrın 9-da keçiriləcək qarşılaşma saat 17:00-da başlayacaq.