Sumqayıt Kimya Sənaye Parkının rezidenti “Azerfloat” QSC-nin istehsal etdiyi ağ şəffaf şüşə vərəqələri ilk dəfə olaraq İrlandiyaya ixrac edilib. Bu barədə 4 iyul tarixində İqtisadi Zonaların İnkişafı Agentliyinin rəsmi səhifəsində məlumat verilib.
Məlumata əsasən, ilkin olaraq 140 ton məhsul göndərilib.
Qeyd edək ki, “Azerfloat” QSC Almaniya texnologiyası əsasında müxtəlif çeşiddə, rəngli və şəffaf şüşə vərəqələrin istehsalını həyata keçirir.