Azərbaycanda xüsusi karantin rejiminin müddəti uzadılıb. Bununla bağlı oktyabrın 27-də baş nazir Əli Əsədov qərar imzalayıb.
Qərara əsasən, COVID-19 infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan ərazisində xüsusi karantin rejiminin müddəti 2023-ci il 1 yanvar saat 06:00-dək uzadılıb.
Qeyd edək ki, Azərbaycan ərazisində xüsusi karantin rejiminin müddəti 2022-ci il 1 noyabr saat 06:00-da başa çatırdı.