Azərbaycanın özəl səhiyyə sektorunda 1 400-ə yaxın biznes subyekti fəaliyyət göstərir. Bu haqda iyulun 1-də səhiyyə naziri Teymur Musayevə istinadən Trend xəbər verib.
“Özəl tibb müəssisələrinin, özəl tibbi praktika ilə məşğul olan subyektlərin sayının artması sahibkarlıq sahəsinə verilən dövlət dəstəyinin nəticəsində mümkün olmuşdur”, – deyə nazir bildirib.
Həmçinin, bu gün Səhiyyə Nazirliyi ilə Azərbaycan Sahibkarlar (İşəgötürənlər) Təşkilatları Milli Konfederasiyası arasında anlaşma memorandumu imzalanıb. Məqsəd dövlət və özəl sektorlar arasında əməkdaşlığı inkişaf etdirməkdir.