Bu gün Bakının Binəqədi və Nəsimi rayonlarında qaz kəsiləcək. Bu barədə 13 noyabr tarixində “Azəriqaz” İstehsalat Birliyi məlumat verib.
Bildirilib ki, təmir işləri ilə əlaqədar noyabrın 13-də saat 14:00-dan işlər başa çatanadək “Alatava” QPS-dən qidalanan “Tbilisi prospekti” və “Mikrorayon” ölçü qovşaqlarından qaz təchizatı dayandırılacaq.
Təmir işləri aparılan müddətdə Binəqədi və Nəsimi rayonlarının bir hissəsinin (Binəqədi rayonu, 6, 8, 9-cu mikrorayonlar, Xutor qəsəbəsi, Vorovski yaşayış massivində, Biləcəri qəsəbəsinin bir hissəsində, Natavan, Qabil Süleymanov, Rəşid İsmayılov, Yəhya Hüseynov, Şevçenko və Tolstoy küçələri ətrafında, Motodrom yaşayış massivi ərazisində, Nəsimi rayonu, 1,2,3,4-cü MKR-lar, 1 və 2-ci Alatava, 20 Yanvar, A.Məhərrəmov küçələri, H.Əliyev prospektində) qaz təchizatında müvəqqəti fasilə yaranacaq.