Bakıda paytaxt sakini 3 kq narkotiklə saxlanılıb

Bakının Xəzər rayonunda narkotiklərin satışı ilə məşğul olan şəxs 3 kiloqram narkotiklə saxlanılıb. Bu barədə DİN sentyabrın 1-də məlumat verib.

Əməliyyatlar zamanı paytaxt sakini Zaman Əliyev istintaqa təqdim olunub. Onun üzərinə və yaşadığı evə baxış keçirilib. Nəticədə 3 kiloqrama yaxın heroin və marixuana, psixotrop maddə metamfetamin və 2 ədəd elektron tərəzi aşkarlanıb.

Saxlanılan şəxs narkotiklərdən istifadə etməklə yanaşı satışını da təşkil etdiyini etiraf edib.

Faktla bağlı araşdırmalar davam etdirilir.

DİN-in məlumatına görə, 2021-ci ilin yanvar – iyun ayları ərzində ölkədə 15 minə yaxın cinayət hadisəsi qeydə alınıb. Onlardan 4 mindən çoxu narkotik vasitələrin və psixotrop maddələrin qanunsuz dövriyyəsi ilə əlaqədar olub. Bu ötən ilin müvafiq dövrü ilə müqayisədə 43% çoxdur.

Şərhlər idarə olunur. Düzgün və səmimi yazın.

0 replies on “Bakıda paytaxt sakini 3 kq narkotiklə saxlanılıb”

Tövsiyə xəbərlər