Bakı: 45 şam ağacı yanğından məhv olub

Bakıda Xətai rayonunun Vunqtau küçəsində 45 şam ağacı avqustun 11-də baş verən yanğın zamanı məhv olub. Bu barədə Dövlət Ekoloji Təhlükəsizlik Xidmətinin rəsmisi məlumat verib.

İlkin məlumata görə açıq ərazidə kol-kos alovlanıb.

Yaşıllığa dəymiş ziyanın hesablanması üçün araşdırmalar aparılır.

Xidmətin nümayəndəsinin dediyinə əsasən, yanğınla bağlı toplanmış materiallar FHN-nin İdarəsinə göndəriləcək.

Eyni gündə Qəbələnin Tikanlı kəndi yaxınlığında, dağlıq ərazidə yanğın başlayıb. İlkin məlumata görə, təxminən 4 hektar sahədə quru ot və kol-kos yanır. Hadisə yerinə FHN-nin yanğından mühafizə bölmələri və helikopter cəlb olunub.

Daha öncə, avqustun 1-də Yardımlıda, avqustun 3-də Lənkəranda və avqustun 4-də Ağsuda yanğın baş vermişdi. Hər üç yanğın artıq söndürülüb.

Şərhlər idarə olunur. Düzgün və səmimi yazın.
guest
0 şərhlər
Inline Feedbacks
Bütün şərhlər
Tövsiyə xəbərlər
0
Rəy bildirinx