Balakən sakini kimyəvi maddədən zəhərlənib. Bu barədə Apa 5 yanvar tarixində məlumat verib.
Rayonun Kortala kənd sakini, 27 yaşlı Türkan İbiyeva zəhərlənmə əlamətləri ilə Balakən Rayon Mərkəzi Xəstəxanasına (RMX) daxil olub. Müayinə zamanı Türkan İbiyevanın kimyəvi maddədən zəhərləndiyi məlum olub.
Ona tibbi yardım göstərilib, vəziyyəti nəzərə alınaraq Bakı şəhərindəki xəstəxanalardan birinə göndərilib.
Faktla bağlı araşdırma aparılır.