Bərdədə iki nəfərin xəsarət alması ilə nəticələnən yol qəzası baş verib. Bu barədə APA 3 oktyabr tarixində xəbər verib.
Hadisə Ağdam-Bərdə yolunun Şirvanlı kəndindən keçən hissəsində qeydə alınıb.
10-XB-318 dövlət qeydiyyat nişanlı “Mercedes Benz” markalı mikroavtobusla 09-BK-019 dövlət qeydiyyat nişanlı “VAZ 2104” markalı minik avtomobili toqquşub.
Hadisə nəticəsində iki nəfər Bərdə rayon Uğurbəyli kənd sakinləri – 57 yaşlı Sevda Məhərrəmova və 62 yaşlı Cəmilə Məhərrəmova xəsarət alıblar. Onlar Bərdə rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
