Bu ilin sentyabr ayında Bakı metropoliteni üzrə sərnişin axını yay aylarına nisbətən 8%-dək artıb. Bunu sentyabrın 29-da “APA”ya Bakı Metropoliteninin nümayəndəsi bildirib.
Sentyabr ayında sərnişin axını 400-420 min civarında olub. Yay aylarında bu göstərici gündəlik 370-390 min civarında təşkil edib.
Qeyd edək ki, metrodan istifadə edən sərnişinlərin sayı bu ilin yanvar-avqust aylarında ötən ilin müvafiq dövrünə nisbətdə 55,6% azalaraq 28,7 milyon nəfər olub.