Cari ilin ilk 7 ayı ərzində sahibkarlara 65,7 milyon manat güzəştli kredit verilib. Bu barədə 5 avqust tarixində Sahibkarlığın İnkişafı Fondu məlumat verib.
Məlumata əsasən, kreditlər 1 589 investisiya layihəsinin maliyyələşdirilməsinə yönəldilib. Nəticədə 1 607 yeni iş yerinin açılması planlaşdırılır.
Qeyd edək ki, ötən ilin müvafiq dövründə 774 layihənin maliyyələşdirilməsi üçün sahibkarlara 42,9 milyon manat güzəştli kredit ayrılmışdır.