Ötən il ərzində 107 işçi ilə əmək müqavilələrinə qanunvericiliyin tələbləri pozulmaqla xitam verildiyi də müəyyən olunub. Bu barədə 19 yanvar tarixində Report Dövlət Əmək Müfəttişliyi Xidmətinə istinadən məlumat verib.
Keçən il vətəndaş müraciətlərinin araşdırılması zamanı 471,6 min manat məbləğində sosial xarakterli ödənişlərin işçilərə ödənilməsinin gecikdirildiyi müəyyən edilib. Həmin vəsaitin işçilərə ödənilməsi təmin edilib.
Ödənilən vəsaitin 370,1 min manatı əmək haqlarından, 87,9 min manatı işəgötürənlər tərəfindən ödənilməli olan müavinət və kompensasiyalardan, 13,6 min manatı isə zərərə görə ödənclərdən ibarət olub.
