“Coca-Cola”nın Azərbaycandakı şirkəti məhkəməyə verilib

“Coca-Cola”nın Azərbaycandakı şirkəti məhkəməlik ola bilər. Bu barədə iyulun 20-də Qafqazinfo məlumat yayıb.

Məlumata görə, şirkət gömrük qanunvericiliyini pozmaqda təqsirli bilinir. Belə ki, şirkət rəhbərliyi xaricdən gətirdiyi xammalın gömrük bəyannaməsini müvafiq orqana təqdim etməyib. İddia təsdiqini taparsa, şirkət rəhbərliyi cərimə olunacaq.

Qeyd edək ki, şirkət ötən ay da gömrük qanunvericiliyini pozduğu üçün məhkəməyə verilmişdi.

Qeyd edək ki, “Coca-Cola” içkilərinin Azərbaycandakı istehsalçısı 1996-cı ildən fəaliyyət göstərir. Bundan başqa, “Fanta”, “Sprite” və “Bonaqua” içkiləri də bu şirkət tərəfindən Azərbaycan bazarına çıxarılır.