Dövlət qulluğuna A və B növünə aid vakant inzibati vəzifələr üzrə qəbulun müsahibə mərhələsinə start verilib. Bu barədə sentyabrın 6-da Dövlət İmtahan Mərkəzi məlumat yayıb.
İştirak etmək istəyənlər 5 oktyabr saat 18:00-dək saytda “Dövlət qulluğu üzrə müraciət Forması”nı doldurmaqla qeydiyyatdan keçməlidirlər. Namizədlər “Dövlət qulluğu haqqında” Qanunun 27-ci maddəsinin tələblərinə cavab verməlidirlər.
Müsahibəyə buraxılmayanlara bu barədə portal vasitəsilə elektron bildiriş göndəriləcək.
Müsahibələrin keçirilmə vaxtı və yeri haqqında məlumatlar sənəd qəbulu başa çatdıqdan sonra DİM-in portalında yerləşdiriləcək.