Azərbaycanda ərzaqlıq buğda istehsalında əlavə bir ton məhsul üçün əlavə 100 manat subsidiya ödəniləcək. Bu haqda iyulun 23-də kənd təsərrüfatı naziri İnam Kərimova istinadən Report məlumat verib.
“Əgər indiyə qədər verilən subsidiyalar əkin sahələrinin becərilməsi üçün nəzərdə tutulmuşdursa, ikinci subsidiya ərzaqlıq buğda istehsalından əldə edilən məhsula görə veriləcək”, – deyə nazir qeyd edib.
Xatırladaq ki, iyulun 19-da Azərbaycanda ərzaq təhlükəsizliyini təmin etmək və əsas ərzaq məhsulları ilə özünütəminetmə səviyyəsini yüksəltmək üçün Fərman imzalanmışdı.