Goranboy: 6 yaşayış məntəqəsini birləşdirən yol tikilir

Goranboy rayonunun Dəliməmmədli–Düzqışlaq–Bağçakürd–Dəyirmanlar–Azad–Nizami avtomobil yolunun tikintisinə başlanılıb. Bu barədə Azərbaycan Avtomobil Yolları Dövlət Agentliyindən sentyabrın 1-də məlumat verilib.

14 min nəfər əhalinin yaşadığı 6 yaşayış məntəqəsini birləşdirən avtomobil yolunun uzunluğu 16 kilometrdir. Sözügedən yolun layihə üzrə hərəkət hissəsinin eni 6 metr təşkil edəcək.

Layihə çərçivəsində avtobus dayanacaqları, yol nişanı, kilometr göstəricisi və siqnal dirəkləri quraşdıralacaq. Həmçinin yolun 11-ci kilometrində yerləşən iki aşırımlı körpünün təmiri də nəzərdə tutulur.

Şərhlər idarə olunur. Düzgün və səmimi yazın.

0 replies on “Goranboy: 6 yaşayış məntəqəsini birləşdirən yol tikilir”

Tövsiyə xəbərlər