Qurban bayramı zamanı təcili tibbi yardımın 130-a yaxın briqadası fəaliyyət göstərib. Bu barədə iyulun 13-də Report TƏBİB-ə istinadən xəbər yayıb.
Gün ərzində təcili yardıma 2000-2200 müraciət daxil olub. Ən çox çağırış sayı (2200) iyulun 10-da qeydə alınıb. Şikayətlər, əsasən, təzyiq, ürək problemləri, halın pisləşməsi, müxtəlif növ travmalar və s. ilə bağlı olub.
Qeyd edək ki, bayram günlərində təcili yardım gücləndirilmiş iş rejimində çalışıb.