Sentyabr ayı ərzində Kliniki Tibbi Mərkəzin Toksikologiya şöbəsinə zəhərlənmə ilə bağlı 149 nəfər qəbul edilib. Bu barədə 3 oktyabr tarixində Mərkəz məlumat verib.
Onlardan 63-ü kişi, 63-ü qadın, 23-ü isə uşaq olub.
Qəbul olunan xəstələrdən 68-i dərmandan, 36-sı sirkə turşusundan, 12-si göbələkdən, 7-si etanoldan zəhərlənib. Digərlərindən 3-ü allergik reaksiyadan, 6-sı isə botulizm, 3-ü anaflaksiya səbəbindən xəstəxanaya yerləşdirilib. 14 nəfəri ilan sancıb.
Zəhərlənən şəxslərdən 4-ü dünyasını dəyişib. Onlardan 2-si kişi, 2-si qadın olub. Ölüm halları sirkə turşusundan zəhərlənmə səbəbilə baş verib.