Bakının Xəzər rayonunda 9 yaşlı uşaq dəmir darvazanın aşması nəticəsində dünyasını dəyişib. Bu barədə 6 sentyabr tarixində APA məlumat verib.
Hadisə Buzovna qəsəbəsində qeydə alınıb.
Belə ki, yeni təmir olunmuş fərdi yaşayış evinin dəmir darvazası küləyin gücündən yerə düşüb. Bu zaman 2014-cü il təvəllüdlü Cəlilli Ramiz Telman oğlu darvazanın altında qalıb. Uşaq ağır bədən xəsarətləri alıb.
O, xəstəxanaya aparılarkən yolda dünyasını dəyişib.
Fakt üzrə araşdırma aparılır.