Bu gün saat 08:30-da Laçın rayonunun Ağanus kəndi ərazisində yol-nəqliyyat hadisəsi baş verib.
Bu barədə 7 sentyabr tarixində Dövlət Sərhəd Xidməti məlumat yayıb.
Hadisə nəticəsində “Toyota” markalı avtomobildə olan “SOCAR” PETROLEUM QSC-yə məxsus podratçı şirkətin 3 əməkdaşı – Gözəlov Muxtar, İbiyev Məhəmməd və Qurbanov Anar müxtəlif dərəcəli bədən xəsarətləri alıblar.
Yaralılara ilkin tibbi yardım göstərildikdən sonra Dövlət Sərhəd Xidmətinin tibbi helikopteri ilə həkimlərin nəzarəti altında onların Bakı şəhərinə təxliyəsi təmin edilib.