Lənkəran şəhərində əmək yarmarkası təşkil olunub. Bu barədə mayın 31-də Dövlət Məşğulluq Agentliyi məlumat verib.
Yarmarkaya 27 dövlət qurumu və özəl müəssisə qatılıb. Onlar 239 vakansiya təqdim ediblər. İşaxtaranların CV-ləri qəbul edilib, uyğun namizədlər növbəti mərhələyə dəvət olunub.
Ağstafa rayonunda isə “Açıq qapı” günü təşkil olunub. Tədbir Qazax-Tovuz Regional Məşğulluq filialı və Saloğlu Fərdi Firması tərəfindən keçirilib. Ümumilikdə 50 vakansiya təqdim olunub.