Rusiya və İranın xarici işlər nazirləri Cənubi Qafqazdakı vəziyyət barədə fikir mübadiləri aparıblar. Bu barədə İnsanoid TASS xəbər agentliyinə istinadən bu gün, 23 sentyabr tarixində məlumat verir.
Sergey Lavrov və iranlı həmkarı Hüseyn Əmir-Abdullahian BMT Baş Assambleyasının sessiyası çərçivəsində keçirilən görüşdə siyasi dialoq qurmaq niyyətlərini təsdiqləyiblər və Cənubi Qafqazdakı vəziyyəti müzakirə ediblər.
“Moskva və Tehranın müxtəlif səviyyələrdə siyasi dialoqu və qarşılıqlı maraq doğuran bütün sahələrdə qarşılıqlı faydalı əməkdaşlığı daha da inkişaf etdirmək niyyəti təsdiqlənib”, – Rusiya XİN bildirib.
Nazirlik qeyd edib ki, tərəflər arasında əsas beynəlxalq mövzular ətrafında maraqlı fikir mübadiləsi aparılıb, aktual regional məsələlərə toxunulub, Cənubi Qafqazdakı vəziyyətə vurğu edilib.