Dahi Azərbaycan şairi Məhəmməd Füzuli haqqında məqalə “Wikipedia”nın ingilis dili bölməsində ana səhifəyə çıxıb. Bunu “Wikipedia” üzrə mütəxəssis, diaspor üzrə araşdırmaçı-ekspert Elnur Eltürk bildirib.
Bu barədə 13 noyabr tarixində Report məlumat verib.
Noyabrın 13-də “Vikipediya”nın ingilis dili bölməsində yazılmış “Füzuli” məqaləsi həmin platformanın “Ana səhifəsi”ndə “Seçilmiş məqalə” kimi nümayiş olunub. Hal-hazırda məqalə ana səhifədədir.
Qeyd edək ki, “Wikipedia”nın ingilis dili bölməsinin “Ana səhifə”sinə hər gün milyonlarla oxucu daxil olur.