Bakı metro stansiyalarında NFC (Near Field Communication) ödəniş sistemi tətbiq ediləcək. Bu, o deməkdir ki, gediş haqqını bank kartları, mobil telefon, “ağıllı” saat və üzüklər vasitəsi ilə ödəmək mümkün olacaq. Bu barədə “Report” oktyabrın 4-də məlumat yayıb.
Məlumata əsasən, yeni sistemin tətbiqi üçün ilkin sınaq işləri həyata keçirilib.
İşlərin cari ilin sonunadək yekunlaşdırılması gözlənilir.
Daha öncə, sentyabrın 24-dən Azərbaycanda “BakıKart”ın balansını online.bakikart.az portalı vasitəsilə artırmaq mümkün olub.