Bir neçə gün əvvəl Rusiyanın paytaxtı Moskva şəhərində azərbaycanlı iş adamı bədbəxt hadisə nəticəsində vəfat edib. Bu barədə 3 fevral tarixində “Qafqazinfo” məlumat verib.
Məlumata əsasən, Moskvada mağaza işlədən iş adamı Qafur Məmmədəliyev obyektdə baş vermiş yanğın zamanı tüstüdən zəhərlənib.
Mağazadakı malları çıxarmaq istəyərkən tüstüdən zəhərlənən şəxs hadisə yerində dünyasını dəyişib.
Əslən Naxçıvanın Ordubad rayonunun Nüsnüs kəndindən olan Q.Məmmədəliyevin nəşi Bakıya gətirilərək dəfn edilib.