Naxçıvan Muxtar Respublikası Ali Məclisi Sədrinin birinci müavini Azər Zeynalov yanvarın 6-da Ali Məclisin doqquzuncu sessiyasının çağırılması haqqında Qərar imzalayıb. Bu barədə İnsanoid NUHÇIXAN İnformasiya Agentliyinə istinadən bu gün, 7 yanvar tarixində xəbər verir.
Qərarda deyilir:
“Naxçıvan Muxtar Respublikası Konstitusiyasının 18-ci maddəsinin I hissəsini rəhbər tutaraq Naxçıvan Muxtar Respublikasının Ali Məclisi qərara alır:
- Altıncı çağırış Naxçıvan Muxtar Respublikası Ali Məclisinin doqquzuncu sessiyası 2023-cü il yanvar ayının 10-da saat 11:00-da Naxçıvan şəhərində çağırılsın.
- Sessiyanın müzakirəsinə aşağıdakı məsələlər verilsin:
- 2022-ci ildə Naxçıvan Muxtar Respublikasının sosial-iqtisadi inkişafının yekunları;
- Naxçıvan Muxtar Respublikasının 2023-cü il büdcəsinin təsdiq edilməsi;
- Dövlət sosial müdafiə fondunun 2023-cü il büdcəsinin təsdiq edilməsi;
- İşsizlikdən sığorta fondunun 2023-cü il büdcəsinin təsdiq edilməsi.
III. Sessiyanın iclasına aidiyyəti təşkilatların rəhbərləri və dövlət mətbuat orqanlarının nümayəndələri dəvət olunurlar”.