Naxçıvanda magistral su xəttində qəza baş verib. Bu barədə 14 sentyabr tarixində Report xəbər verib.
Qəza şəhərin 3-cü mikrorayon ərazisindəki Babək küçəsində baş verib. Qəzaya səbəb qaynaq birləşmələrinin keyfiyyətsiz olması olub.
Hadisə nəticəsində 3-cü mikrorayon ərazisinə suyun verilişi dayandırılıb.
Naxçıvan Şəhər Su-Kanalizasiya İdarəsinin əməkdaşları hadisə yerinə gələrək təmir işlərinə başlayıblar.
Suyun verilişinin axşam saatlarında bərpa ediləcəyi gözlənilir.