Naxçıvan şəhərində motosikletin aşması nəticəsində bir nəfər xəsarət alıb. Bu barədə APA 1 sentyabr tarixində xəbər verib.
Şəhərin mərkəzi küçələrinin birində 55 yaşlı Naxçıvan şəhər sakini Telman İsmayılovun idarə etdiyi motosiklet ehtiyatsızlıqdan aşıb.
Nəticədə sürücü ciddi xəsarət alıb.
O, təcili olaraq Naxçıvan Muxtar Respublika Xəstəxanasının travmatologiya şöbəsinə yerləşdirilib.
Vəziyyəti orta-ağır olaraq qiymətləndirilir.
Faktla bağlı araşdırma aparılır.