Mahmudçala Ovçuluq Təsərrüfatının ərazisində qanunsuz ov edən şəxslər saxlanılıblar. Bu barədə 31 yanvar tarixində APA məlumat verib.
Xidmət rəsmisi Rəşad Allahverdiyev bildirib ki, araşdırma zamanı brakonyerlərin Biləsuvar rayon sakinləri Mehman və Ceyhun Kazımovlar olduğu müəyyən edilib.
“Korçay Dövlət Təbiət Yasaqlığında keçirilən nəzarət tədbirləri zamanı isə ova cəhd edən Goranboy rayon sakini Hidayət Əhmədov saxlanılıb. Faktlarla bağlı təqsirkar şəxslər barəsində protokol tərtib olunub və qanunamüvafiq tədbirlər görülüb”, – o deyib.