Azərbaycan və Qazaxıstan dövlət başçıları arasında avqustun 24-də təkbətək görüş olub.
Kasım-Jomart Tokayevin sözlərinə əsasən, səfər çərçivəsində bir sıra sənədlər imzalanacaq. O bildirib ki, həmin sənədlər ikitərəfli əməkdaşlığı, ölkələr arasındakı münasibətləri yeni səviyyəyə çatdıracaq.
***
12:24
Qazaxıstan Prezidenti Kasım-Jomart Tokayev ölkəmizə səfərə gəlib. Bu barədə avqustun 24-də president.az məlumat yayıb.
Tokayevi dövlət başçısı İlham Əliyev qarşılayıb.
***
10:03
Bu gün, avqustun 24-də Qazaxıstan Prezidenti Kasım-Jomart Tokayev Azərbaycana səfər edəcək. Bu barədə Report Qazaxıstan Prezidentinin mətbuat xidmətinə istinadən məlumat paylaşıb.
Səfər çərçivəsində ticari-iqtisadi, nəqliyyat, logistika, mədəni-humanitar əməkdaşlığın genişləndirilməsi, habelə strateji tərəfdaşlığın inkişafı məsələləri müzakirə olunacaq.
Həmçinin iki ölkə arasında bir neçə sənədin imzalanması planlaşdırılır.
