Ramana qəsəbəsində abadlıq işləri yekunlaşıb. Bu haqda iyulun 6-da Prezidentin mətbuat xidməti məlumat yayıb.
Qəsəbədaxili yollar asfaltlanıb, divar və dam örtükləri yenilənib, küçələrin işıqlandırılması həyata keçirilib, ərazi tullantılardan təmizlənib.
Ramana qalasında və Novruzqulu hamamında bərpa işləri aparılıb. Qəsəbədə bərpa olunan tarixi abidələrdən biri də el arasında 40 pillə adlanan su ovdanıdır.
Həmçinin Ramanada İdman Mərkəzi inşa olunub. Mərkəzdə qapalı idman zalı və minifutbol meydançası yaradılıb.
