Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən, yağmursuz keçəcəyi gözlənilir. Mülayim cənub küləyi axşam şimal-qərb küləyi ilə əvəz olunacaq. Bu barədə 3 fevral tarixində Milli Hidrometeorologiya Xidməti məlumat verib.
Havanın temperaturu gecə 2-4°, gündüz 6-9° isti olacaq.
Azərbaycanın rayonlarında, əsasən, yağmursuz hava şəraiti gözlənilir. Lakin axşam bəzi dağlıq rayonlarda qar yağacağı ehtimal var. Arabir duman olacaq. Qərb küləyi əsəcək.
Havanın temperaturu gecə 2° şaxtadan 3°-dək isti, gündüz 6-9° isti, dağlarda gecə 9-14° şaxta, gündüz 0-5° şaxta olacaq.
Gecə və səhər dağlıq və dağətəyi rayonlarda yollar buz bağlayacaq.