2022-ci ilin yanvar-may aylrında Sahibkarlığın İnkişafı Fondu (SİF) 234 turizm layihəsinin maliyyələşdirilməsinə 60,3 milyon manat güzəştli kredit verib. Bu barədə 29 iyun tarixində Fond məlumat verib.
Məlumata əsasən, sözügedən layihənin reallaşması 5 mindən artıq yeni iş yerinin açılmasına imkan yaradır. Bildirilib ki, hesabat dövründə turizmin inkişafı ilə bağlı 5 layihəyə 1,3 milyon manat güzəştli kredit verilib və bu kreditlər hesabına 39 yeni iş yeri yaradılması nəzərdə tutulur.
Qeyd olunub ki, fonda daxil olan müraciətlərin əksəriyyəti kənd turizminin inkişafı, otel, mehmanxana və qonaq evinin yaradılması və ya genişləndirilməsi, sanatoriya və müalicə sağlamlıq mərkəzinin təşkil edilməsi ilə bağlı olub.