2022-ci ilin sonuna orta illik inflyasiya 12,5 faiz səviyyəsində proqnozlaşdırılır. Bu barədə 20 iyun tarixində maliyyə naziri Samir Şərifova istinadən APA məlumat yayıb.
Nazirin sözlərinə görə, cari ilin ötən 5 ayının makroiqtisadi göstəriciləri və dövlət büdcəsinin icrası üzrə əldə edilmiş müsbət dinamika nəzərə alınmaqla ölkənin makroiqtisadi proqnozlarına yenidən baxılıb. O, əlavə edib ki, ilin sonuna ümumi daxili məhsulun (ÜDM) nominal ifadədə 115,4 milyard manata, real artım sürətinin 5,5%-ə qədər artacağı gözlənilir.