Şəmkir rayonunun Qasımalılar kəndində 3 nəfərin xəsarət alması ilə nəticələnən yol-nəqliyyat hadisəsi olub. Bu barədə Report 21 oktyabr tarixində xəbər verib.
“VAZ-2106” markalı minik avtomobilinin idarəetmədən çıxaraq ağaca çarpılması nəticəsində sürücü – 19 yaşlı Sənan Quliyev, sərnişinləri – 20 yaşlı Bayram Məmmədov və həmyaşıdı Rüfət Uğurov müxtəlif dərəcəli bədən xəsarətləri alıblar.
Onlardan birinin vəziyyəti daha ağır olduğundan Gəncə şəhərində yerləşən xəstəxanaların birinə göndərilib.
Faktla bağlı araşdırma aparılır.