Şərur rayonunda 31 yaşlı kişi qətlə yetirilib, saxlanılan var. Bu barədə 31 may tarixində Report məlumat verib.
Bildirilib ki, mayın 31-də saat 19:30 radələrində Naxçıvan Muxtar Respublikasının Şərur rayonunun Püsyan kəndində yerli sakin, 1992-ci il təvəllüdlü Şıxəliyev Xəlil Həsən oğlunun kəsilmiş-deşilmiş xəsarətlərdən ölməsi ilə bağlı polisə məlumat daxil olub. Şübhəli bilinən həmin kəndin sakini, 1985-ci il təvəllüdlü Nəcəfov Gündüz Nəcəf oğlu saxlanılıb.
Araşdırmalar davam etdirilir.