Şirvanda “online” oyunda 800 manat uduzan şagird özünü hündürlükdən atıb. Bu barədə 9 mart tarixində APA məlumat yayıb.
Belə ki, Şirvan sakini, 2007-ci il təvəllüdlü Əhmədli Cavid Emil oğlu özünü yarımçıq tikilidə hündürlükdən ataraq intihara cəhd edib.
Ağır xəsarətlər alan yeniyetmə Şirvan xəstəxanasına yerləşdirilib. İntihara cəhdə səbəb yeniyetmənin “online” oyunda 800 manat pul uduzması olub. Faktla bağlı araşdırma aparılır.