Moldova Parlamenti Ukraynanın Rusiya qazının tranzitini dayandırmaq planlarına görə enerji sahəsində 60 günlük fövqəladə vəziyyət elan edib.
İnsanoid.com Xarici KİV-lərə istinadən xəbər verir ki, Moldovanın baş naziri Dorin Reçan bildirib ki, Dnestr çayının sağ sahilinə elektrik enerjisinin verilişi və Dnestrətrafı bölgəyə qaz tədarükü tamamilə dayana bilər. Buna görə də hökumət fövqəladə vəziyyətlərdə müxtəlif tədbirlər görmək üçün bütün lazımi vasitələrə malik olmalıdır.
Qeyd edək ki, Ukrayna hakimiyyəti daha əvvəl dəfələrlə Rusiyayla qaz və neft tranziti üzrə müqaviləni uzatmayacağını və 2025-ci il yanvarın 1-dən etibarən Avropaya tranziti dayandıracağını bəyan edib.
