Suriyadakı zəlzələ nəticəsində həlak olanların sayı 1 600-ü keçib. Bu barədə 7 fevral tarixində Report xarici KİV-yə istinadən məlumat verib.
Hadisə nəticəsində 1 602 nəfər ölüb, 3 649 nəfər yaralanıb və 175 bina uçub.
Məlumata görə, həmçinin ən azı 4 min ailə evini itirib, 50 min ailənin təcili yardıma ehtiyacı var.
Məlumata əsasən, ölən və yaralananların sayının daha da artacağı gözlənilir.
Qeyd edək ki, dünən, fevralın 6-da Türkiyədə qeydə alınan 7,4 maqnitudalı zəlzələ Suriyanın şimal bölgələrində də dağıntılara yol açıb.