Gələn il Azərbaycanda xarici amillərin əlverişli dəyişməsi ilə illik inflyasiyanın tədricən birrəqəmli həddə enəcəyi proqnozlaşdırılır. Bu barədə 29 iyul tarixində Report Azərbaycan Mərkəzi Bankının sədri Taleh Kazimovun sözlərinə istinadən məlumat verib.
Sədrin sözlərinə görə, mövsümi amillərin bu ay və gələn ay inflyasiyaya azaldıcı təsir göstərəcəyi gözlənilir.
“Bu ilin sonuna baza amillərinə görə illik inflyasiyanın cari tempdən aşağı olacağı proqnozu dəyişməz qalır”, – deyə o əlavə edib.