Türkiyənin Konya vilayətində mayın 5-də Avropanın ən böyük günəş elektrik stansiyasının (GES) açılışı olacaq. Bu barədə Report 2 may tarixində xəbər verib.
1350 MVt gücü olan “Karapınar” GES “Kalyon Energy” şirkətinə məxsusdur.
20 milyon kvadratmetr ərazini əhatə edən GES-nin quraşdırma işlərinə 2020-ci ilin yanvarında başlanılıb.
“Karapınar” GES-nin tam gücü ilə fəaliyyətə başlaması ilə Türkiyənin müəyyən edilmiş günəş enerjisi potensialı 20% artacaq. Günəş elektrik stansiyası “Kalyon Fotovoltaik” şirkətinin istehsal etdiyi 3 256 038 günəş panelindən ibarətdir.
GES illik 3 milyard kVt elektrik enerjisi istehsal edəcək.