Türkiyədə mədəndə çökmə baş verib. Bu barədə 13 sentyabr tarixində APA məlumat verib.
Hadisə Türkiyənin Zonquldak vilayətinin Ereğli rayonunda yerləşən mədəndə baş verib.
Dağıntılar altında qalmış dörd nəfərdən 3-ü xilas edilib. Xilas edilən işçilərdən ikisinin vəziyyəti ağırdır.
“Çökmə 4 işçinin çalışdığı yerdə olub. Onlardan 3-ü çıxarılıb. 1 nəfər dağıntılar altında qalıb. Çökmə zamanı mədəndə ümumilikdə 280 nəfər iş başında olub. 276 işçi hadisədən sonra mədəni tərk edib”, – məlumatda bildirilib.
Çökmənin hansı səbəbdən baş verdiyi araşdırılır.