Ucarda xəsarətlə nəticələnən yol-nəqliyyat hadisəsi baş verib. Bu barədə 4 mart tarixində APA məlumat verib.
Hadisə Bakı-Qazax əsas avtomobil yolunun rayonun Qarabörk kəndindən keçən hissəsində qeydə alınıb.
“Mercedes” və “Hyundai” markalı minik maşınlarının toqquşması nəticəsində “Hyundai” yoldan çıxaraq su arxına aşıb. Nəticədə 7 nəfər müxtəlif xəsarətlər alıb. Yaralılar Ucar Mərkəzi Rayon Xəstəxanasına yerləşdiriliblər.
Faktla bağlı araşdırma aparılır.
