Vilyam Hacıyevin üzərinə həbs qoyulmuş əmlaklarının tam siyahısı

İmişlinin sabiq icra başçısı Vilyam Hacıyevin üzərinə həbs qoyulmuş əmlaklarının tam siyahısı məlum olub. Bu barədə Report mayın 24-də xəbər yayıb.

Təqsirləndirilən şəxsə məxsus 5 344 000 manat dəyərində daşınmaz əmlak və daşınan əmlakın üzərinə həbs qoyulub. Vilyam Hacıyevə məxsus əmlaklar onun həyat yoldaşı və oğlunun adına rəsmiləşdirilib.

Üzərinə həbs qoyulmuş əmlakların tam siyahısı:

– Həyat yoldaşının adına rəsmiləşdirilmiş Bakıda Teymur Əliyev küçəsində yerləşən fərdi ev (orta bazar dəyəri – 1 852 000 manat);

– Həyat yoldaşının adına rəsmiləşdirilmiş Bakıda Sabit Rəhman küçəsində yerləşən mənzil (orta bazar dəyəri – 275 000 manat);

– Həyat yoldaşının adına rəsmiləşdirilmiş Xırdalanda 4 mənzil (orta bazar dəyərləri 67 000, 86 000, 74 000, 65 000 manat);

– Həyat yoldaşının adına rəsmiləşdirilmiş Nardaranda ev (orta bazar dəyəri 2 626 000 manat);

– Həyat yoldaşının adına rəsmiləşdirilmiş “BMW X5” markalı minik avtomobili (orta bazar dəyəri 22 000 manat);

– Oğlunun adına rəsmiləşdirilmiş “Land Rover” markalı minik avtomobili (orta bazar dəyəri 126 000 manat);

– Həyat yoldaşının təsisçisi olduğu “Xəzər-222” MMC-nin adına sənədləşdirilmiş “BMW 740-İ”, “Bentley Continental GT”  markalı minik avtomobilləri,  (orta bazar dəyərləri 33 000, 118 000 manat).

Qeyd edək ki, Vilyam Hacıyev 2020-ci il mayın 5-də Dövlət Təhlükəsizliyi Xidməti tərəfindən saxlanılıb. Daha sonra o həbs edilib.