Xüsusi təhsil müəssisələrinə müəllimlərin işə qəbulu üçün müsahibələrin tarixi açıqlanıb

Xüsusi təhsil müəssisələrinə müəllimlərin işə qəbulu üzrə müsahibələr 16 və 17 sentyabrda S.C.Pişəvəri adına Respublika Humanitar Fənlər Gimnaziyasında keçiriləcək. Bu barədə Təhsil Nazirliyi sentyabrın 14-də məlumat yayıb.

Müsahibəyə 80 namizəd dəvət edilib. İştirakçılarda aşağıdakı sənədlərin olması zəruridir:

  • şəxsiyyəti təsdiq edən sənəd
  • ali və ya orta ixtisas, magistratura və yenidən hazırlanma təhsili haqqında sənədin əsli və onun əlavəsi
  • xarici ölkələrdə alınmış təhsilin tanınması və ekvivalentliliyi haqqında şəhadətnamə.

Bu mərhələdə uğur qazanan şəxslərlə 2021-2022-ci tədris ilinin sonuna kimi müqavilə bağlanılacaq.

Qeyd edək ki, vakansiya seçimi 7-9 sentyabr tarixlərində həyata keçirilib və seçimlərdə 2138 nəfər iştirak edib.

Şərhlər idarə olunur. Düzgün və səmimi yazın.

0 replies on “Xüsusi təhsil müəssisələrinə müəllimlərin işə qəbulu üçün müsahibələrin tarixi açıqlanıb”

Tövsiyə xəbərlər